尋日奶奶生日，無出街食，在奶奶家中燒肉 party，我就整左個生日蛋糕，由於奶奶唔食得麵粉，所以就整...

尋日奶奶生日，無出街食，在奶奶家中燒肉 party，我就整左個生日蛋糕，由於奶奶唔食得麵粉，所以就整 yogurt cream cheese cake，無麵粉既，原本 idea 係整士多啤梨漸變，雪左一晚，第二日覺得好似唔夠高咁，咁就手痕不如加一層啫喱面，感覺高啲啦，已經由 10點放入雪櫃，到下晝 2點都未凝固，仲水汪汪咁喎，心就開始急啦，唔通魚膠份量唔夠，又加多兩塊魚膠片再雪，到下晝 4點半，都只係開始有少少啫喱 feel，唉唔掂啦，再等唔係辦法，心又好焦急，無理由攞住個水汪汪蛋糕去奶奶度架嘛，把心一橫倒返啲啫喱水出尼，加層 cream 同士多啤梨，好彩都唔係好肉酸 😆 大家都好錫住我，話好好味 😋

我補緊鑊既時候叫阿渣司問下姑奶屋企有無蠟燭，條友話實有唔洗問 😑 好啦結果係無既，最後係摷左啲蠟燭燈頂住擋 😆

祝奶奶生日快樂，身體健康，開開心心過每一日 💕

---